पोस्ट नं 298

 पोस्ट नं 298 
*************************
बुद्ध आणि त्यांचा धम्म~
लेखक: डॉ. बाबासाहेब आंबेडकर
*************************
सातवा खंड- भ्रमणिकाची अंतिम यात्रा
Book VII- The Wanderer's Last Journey
*************************
भाग तिसरा - महापरिनिर्वाण
Part III- His End
*************************
2. अंतिम धर्म-दीक्षा (ii) 
The Last Convert
*************************

16) तथागतांनी वरीलप्रमाणे सांगितल्यावर सुभद्र परिव्राजक बोलला, "आपल्या मुखीचे हे शब्द अत्युत्कृष्ट आहेत. खरोखरच अत्युत्कृष्ट!"

17) "जसे कोणी फेकून दिलेल्याची प्रतिष्ठापना करावी किंवा झाकलेले खुले करावे किंवा मार्गभ्रष्टाला सन्मार्ग दाखवावा किंवा अंधारात दीप प्रज्वलित करावा की, जेणेकरुन नेत्र असलेल्यांना दिसावे;"

18) "तसे मला तथागतांनी सत्याचे ज्ञान करुन दिले. म्हणून मी बुद्ध, धम्म आणि संघाचा आश्रय स्वीकारतो."

19) "सुभद्र! ज्याने पूर्वी दुसऱ्या धम्माची दीक्षा घेतली त्याला जर संघात प्रवेश करावयाची इच्छा असेल तर त्याला चार महिने प्रतीक्षा करणे क्रमप्राप्त आहे."

20) "जर असा दंडक असेल तर मीही चार महिने प्रतिक्षा करीन." (सुभद्र म्हणाला)

21) पण तथागत म्हणाले, "माणसामाणसात फरक असतो हे मी मान्य करतो." असे म्हणून त्यांनी आनंदाला हाक मारली व ते बोलले, "आनंद! सुभद्राला आताच संघात दाखल करुन घे."

22) "बरे, जशी आपली आज्ञा." असे बोलून आनंदाने संमती दर्शवली.

23) सुभद्र परिव्राजक मग आनंदाला म्हणाला, "तुम्ही भाग्यवान आहात आनंद! महाभाग्यवान! तुम्हाला स्वतः तथागतांनी धर्मजलाचे सिंचन करून दीक्षा दिली व भिक्खूसंघात शिष्यत्व प्रदान केले."

24) "सुभद्र! तुझ्या बाबतीतही तसेच झाले आहे," स्थविर आनंद म्हणाला.

24) अशा रीतीने तथागतांच्या अनुज्ञेने सुभद्र परिव्राजकाला भिक्खूसंघात स्वीकृत करण्यात आले. ज्याला स्वतः तथागतांनी दीक्षा दिली असा तोच अखेरचा श्रावक.

*************************
For English: See the link in comment section

*************************
क्रमश: .....
रोज वाचा, "बुद्ध आणि त्यांचा धम्म"
पुढील भागात:
*भाग तिसरा- महापरिनिर्वाण*
*३. अंतिम शब्द*
*************************