*"बुद्ध आणि त्यांचा धम्म"*
प्रथम खंड- "बोधिसत्त्व हे बुद्ध कसे झाले"
*********************
भाग पहिला- जन्मापासून परिव्रज्येपर्यंत
🌷 16. मार्ग सापडला - परिव्रज्या 🌷
(Parivrajya - The Way Out)
***********************
1) सेनापती म्हणाला, "तुझे म्हणणे मान्य करणे कठीण आहे. कारण जरी तू देहान्ताची किंवा देशत्यागाची शिक्षा भोगण्यास स्वेच्छेने तयार झालास तरी कोशलाधिपतीस ही गोष्ट समजणारच. आणि तो असाच निष्कर्ष काढेल की, ही शिक्षा संघानेच दिली आहे. आणि त्यामुळे तो संघाला जाब विचारेल व संघाविरुद्ध कारवाई करेल."
2) सिद्धार्थ गौतम म्हणाला, "हीच जर अडचण असेल तर मी एक मार्ग सुचवितो. मी परिव्राजक होतो आणि हा देश सोडून जातो. तो एक प्रकारचा देशत्यागच आहे."
3) सेनापतीला वाटले की, हा एक चांगला मार्ग आहे. तथापि सिद्धार्थाला हा मार्ग कृतीत उतरविता येईल किंवा काय याबद्दल त्याला अद्यापही शंका होती.
4) म्हणून सेनापतीने सिद्धार्थाला विचारले, "तुझ्या आई-वडिलांची आणि पत्नीची संमती घेतल्यावाचून तुला परिव्राजक कसे होता येईल?"
5) आपण त्यांची संमती मिळविण्याचा आटोकाट प्रयत्न करु असे सिद्धार्थाने त्याला अभिवचन दिले. आणि तो म्हणाला, "त्यांची संमती मिळो वा न मिळो, हा देश त्वरित सोडून जाण्याचे मी तुम्हाला वचन देतो."
6) सिद्धार्थाने सुचविलेला मार्ग हाच या बिकट समस्येतून सुटण्याचा उत्तम मार्ग आहे असे संघाला वाटले आणि त्यांनी तो मान्य केला.
7) सभेचे कार्य संपल्यानंतर संघसभा विसर्जित होण्यापूर्वीच एक तरुण शाक्य आपल्या जागेवर उठून उभा राहिला आणि म्हणाला, "कृपा करुन माझं म्हणणं ऐका. मला काही महत्वाची गोष्ट सांगावयाची आहे."
🌷☘🌿🌸🌷🌸🌿☘🌷
***********************
क्रमश: .....
रोज वाचा, "बुद्ध आणि त्यांचा धम्म"
पुढील भागात: १६. मार्ग सापडला - परिव्रज्या (ii)
*********************
No comments:
Post a Comment