पोस्ट नं 154

 पोस्ट नं 154 
*************************
तिसरा खंड- भगवान बुद्धांनी काय शिकविले
Book III- What the Buddha Taught
*************************
भाग तिसरा- धम्म म्हणजे काय?
Part III- What is Dhamma?
2. जीवनात पूर्णता (पारमिता) साधणे म्हणजे धम्म होय 
To Reach Perfection in Life is Dhamma
**************************

1) तीन प्रकारच्या पूर्णता असतात.

2) कायिक, वाचिक आणि मानसिक.

3) मानसिक पूर्णता कोणत्या प्रकारची असते?

4) आसवे अथवा चित्तमल पूर्णपणे नष्ट होऊन ह्या जीवनात संपूर्ण चित्त-विमुक्तीचा अनुभव घेणे, प्रज्ञेने आसवांपासून विमुक्ती मिळवून त्याच अवस्थेत सतत वर्तणे ह्यासच पूर्णता म्हणतात.

5) आणखीही पारमिता आहेत, आणि भगवान बुद्धाने त्या सुभूतीला सांगितल्या.

6) सुभूति: बोधिसत्त्वाची "दान-पारमिता" कोणत्या प्रकारची असते?

What is a Bodhisattva's perfection of giving?

7) *तथागत:* बोधिसत्त्व चित्ताच्या अवस्थांची जाणीव ठेवून अंतर्बाह्य वस्तूंचे दान करतो आणि त्या सर्व प्राणिमात्रांना दिल्यावर 'बोधि' (supreme enlightenment) ला त्या अर्पण करतो. दुस-यांनाही तो तसे करण्याची प्रेरणा देतो. कुठल्याही वस्तूबद्दल त्याच्या मनात आसक्ती नसते. ह्या अवस्थेला *दान-पारमिता* म्हणतात.

8) सुभुति: बोधिसत्त्वाची "शील-पारमिता" कशी असते?

Perfection of morality

9) तथागत: या पारमितेत तो स्वतः *सदाचाराची दहा पथ्ये* पाळीत असतो आणि इतरांना तसे करण्याची प्रेरणा देतो.

Lives under the obligation of the ten ways of wholesome acting.

10) सुभुति: बोधिसत्त्वाची "क्षान्ति/संयम -पारमिता" कशी असते?

Perfection of patience

11) तथागत: या पारमितेत तो स्वतः सहनशील होऊन इतरांना तसे होण्याची प्रेरणा देतो.

12) सुभूति: बोधिसत्वाची "वीर्य-पारमिता" कशी असते? Perfection of vigour.

13) तथागत: या पारमितेत तो पाचही पारमितांच्या परिपूर्तीत अखंड कार्यरत राहतो आणि इतरानांही तसेच करण्याची प्रेरणा देतो.

14) सुभूति: बोधिसत्त्वाची "समाधी ही पारमिता" कशी असते? Concentration (or meditation)

15) तथागत: या पारमितेत कौशल्याने तो ध्यान साधतो; तथापि तो तत्संबंधित रूप-लोकात परत जन्म घेत नाही आणि इतरांनाही तो तसेच करण्याची प्रेरणा देतो.

16) सुभूति: बोधिसत्त्वाची "प्रज्ञा-पारमिता" कशी असते?

perfection of wisdom

17) तथागत: या पारमितेत तो कोणत्याही एका धर्मात (भौतिक अथवा आधिभौतिक) मग्न न राहता सर्व धर्माच्या मूळ स्वरूपाचे चिंतन करीत असतो, आणि तसे करण्यास इतरांना प्रेरणा देतो.

18) *अशा पारमिता अंगी बाणविणे यालाच धम्म म्हणतात.*

It is Dhamma to cultivate these perfections.

*************************
For English: see the link in comment section

*************************
क्रमश: .....
रोज वाचा, "बुद्ध आणि त्यांचा धम्म"
पुढील भागात:
खंड तिसरा:
भाग तिसरा- धम्म म्हणजे काय?
३. निब्बाण प्राप्त करणे हा धम्म आहे
*************************